சென்னை பல்கலைக் கழக தேர்வு முடிவு

சென்னை பல்கலை. தேர்வு முடிவுகள் இன்று வெளியீடு

உடனடித் தேர்வுக்கு விண்ணப்பங்கள் வரவேற்பு சென்னைப் பல்கலைக்கழகத்தில் 2016 ஏப்ரலில் நடத்தப்பட்ட இளநிலை, முதுநிலை பட்டப் படிப்புகளுக்கான தேர்வு முடிவுகள் வியாழக்கிழமை (ஜூன் 30) வெளியிடப்பட உள்ளன. இந்த முடிவுகளை www.result.unom.ac.in www.ideunom.ac.in http:egovernance.unom.ac.in ஆகிய இணையதளங்களில் அறியலாம்.

மறுமதிப்பீடு: தேர்வு மறுமதிப்பீடுக்கு விண்ணப்பிக்க விரும்புவோர் ஜூலை 1 முதல் 8-ஆம் தேதி வரை இணையதளத்தில் பதிவு செய்து, பதிவிறக்கம் செய்யப்பட்ட விண்ணப்பத்துடன் ரூ. 1,000-க்கான வங்கி வரைவோலையை இணைத்து சமர்ப்பிக்க வேண்டும்.

மறுகூட்டல்

மதிப்பெண் மறுகூட்டலுக்கு விண்ணப்பிக்க விரும்புவோரும் ஆன்-லைனில் பதிவு செய்த விண்ணப்பத்துடன் ரூ. 300-க்கான வங்கி வரைவோலையை இணைத்து ஜூலை 8-க்குள் விண்ணப்பிக்க வேண்டும். ஜூலை 23-இல் உடனடித் தேர்வு: இளநிலைப் பட்டப் படிப்பில் 5-ஆவது பருவத் தேர்வு வரை அனைத்துப் பாடங்களில் தேர்ச்சி பெற்று, 6-ஆவது பருவத் தேர்வில் ஒரே ஒரு பாடத்தில் மட்டும் தேர்ச்சி பெறாதவர்களும், முதுநிலைப் பட்டப் படிப்பில் 3-ஆவது பருவத் தேர்வு வரை அனைத்துப் பாடங்களிலும் தேர்ச்சி பெற்று, 4-ஆவது பருவத் தேர்வில் ஒரே ஒரு பாடத்தில் மட்டும் தேர்ச்சி பெறாதவர்களும் உடனடித் தேர்வுக்கு விண்ணப்பிக்கலாம்.

தொழில் படிப்பு மாணவர்களும் உடனடித் தேர்வுக்கு விண்ணப்பிக்கலாம். இதற்கான விண்ணப்பங்களை ஜூலை 8-க்குள் சமர்ப்பிக்க வேண்டும். சென்னையில் மூன்று மையங்களில் ஜூலை 23-இல் நடத்தப்படும் மறுதேர்வுக்கான தேர்வறை அனுமதிச் சீட்டை ஜூலை 18-ஆம் தேதி முதல் பதிவிறக்கம் செய்து கொள்ளலாம் என சென்னைப் பல்கலைக்கழகம் அறிவித்துள்ளது.