கல்வி ஆசான் வலைப்பதிவு பக்க வருகைக்கு வணக்கம் @ அன்னையர் தினம் நல்வாழ்த்துக்கள் என்றும் அன்புடன் ராம்ஜீ.
javascript snowHtml Codes

Thursday, July 5, 2018

நீங்கள் நினைத்தால் இவருக்கு உதவலாம்

நீங்கள் நினைத்தால் இவருக்கு உதவலாம் - வாருங்கள்



விருதுநகர் மாவட்டம் புதுப்பட்டியைச் சேர்ந்த பூபதிராஜா. தனது 4 வயதில் தந்தையை இழந்த பூபதி, அவரது மாமா கணேசன் தான் ஆதரவாக உள்ளார். தந்தை இறந்தது முதல் பூபதியை கவனித்து வரும் கணேசனுடன் மருத்துவ கவுன்சலிங்காக சென்னைக்கு வந்தார். நீட் தேர்வில் 236 மதிப்பெண்கள் பெற்ற பூபதி ராஜாவுக்கு ராணுவ வாரிசுதாரருக்கான சான்றிதழுடன் கலந்தாய்வுக்கு சென்றபோது பூபதிக்கும் அவரது மாமாவுக்கும் ஏமாற்றமே மிஞ்சியது. ராணுவ வாரிசுதாரருக்கான பட்டியலில் பூபதிராஜாவின் பெயர் இல்லை. இருந்தாலும் நீட் தேர்வில் 236 மதிப்பெண்கள் பெற்ற காரணத்தால் எஸ்.சி பிரிவில் பூபதிராஜாவுக்கு இடம் கிடைக்கும்.
 
 இந்நிலையில் கணேசனுக்கு உடல்நிலை சரியில்லாததால், எழும்பூர் ரயில் நிலையத்தில் ஓய்வு எடுத்த நேரத்தில் சான்றிதழ்களுடனான பையை இருவர் திருடிச் சென்றுள்ளனர்.

 தாழ்த்ப்பட்டோர் பிரிவில் இடம் கிடைக்கும் என்ற நம்பிக்கையிலேயே சென்னை வந்ததாகக் கூறும் கணேசன், சான்றிதழ் பறிபோனதால் செய்வதறியாது உள்ளதாகக் கவலையோடு தெரிவித்துள்ளார்.

 திருடுபோன சான்றிதழ்கள் ஜூலை 7ஆம் தேதிக்குள் கிடைத்தால் மருத்துவ படிப்பில் இடம் கிடைக்க வாய்ப்புள்ளது. 
 
என்னால்தான் இப்படி சான்றிதழ்களை தொலைத்துவிட்டோம் எனக் கதறுகிறார் எந்தக் குற்றமும் செய்திடாத கணேசன். சான்றிதழ்கள் ஏழாம் தேதிக்குள் கிடைத்தால் பூபதி ராஜாவின் மருத்துவர் கனவு நனவாகும். சிறப்புக் கலந்தாய்வு முடிந்துவிட்ட நிலையில் சான்றிதழ்களை இழந்தாலும் நம்பிக்கையை இழக்காமல் மருத்துவர் கனவோடு இருக்கிறார் பூபதிராஜா. களவு போன பையில் எந்தப் பணமும் இல்லை. 

 பூபதி ராஜாவின் சான்றிதழ்களை யாராவது எடுத்தால் தொடர்புகொள்ள வேண்டிய எண் - 8903802743

 ஷேர் செய்யுங்கள் ஒருவரின் எதிர்காலத்திற்காக.
நன்றி

Wednesday, July 4, 2018

தன்னம்பிக்கை தொடர் 3

எதற்கெடுத்தாலும் எனக்கு நேரம் சரியில்லை என அலுத்துக் கொள்பவர்கள் ஏராளம். மேலும் பலர் செய்ய வேண்டிய வேலைகளை நேரகாலத்தோடு செய்யாமல் விட்டு விட்டு நேரம் சரியில்லை என்று சொல்வதையே வாடிக்கையாக கொண்டுள்ளார்கள். நாம் வாழ்க்கையை எப்படி அணுகுகிறோமோ அப்படி தான் வாழ்க்கை பிரதிபலிக்கும்.  ஏனென்றால் வாழ்க்கை என்பது நம் மனதின் பிரதிபலிப்பு எண்ணங்கள் என்னவோ அதுதான் வாழ்க்கையின் வண்ணங்கள் இருக்கும்.

விதைக்க வேண்டிய பருவத்தில் விதைக்காமல் சோம்பிக் கிடந்து காலம் தவறி விதைத்து விட்டு அறுவடை காலத்தில் எனக்கு நேரம் சரியில்லை. அதனால் தான் எதிர்பார்த்த மகசூல் கிடைக்க வில்லை என்று ஒரு விவசாயி சொன்னால் அது எப்படி இருக்கும்?

உலகத்திலேயே எல்லோருக்கும் சமமான சொத்து ஒன்று உண்டென்றால் அதுதான் நேரம். நேரத்தை சரியான விதத்தில் பயன்படுவது ஒரு கலை . அதாவது நேரத்துக்கு ஏற்ற வேலை , வேலைக்கு ஏற்ற நேரம் என்று கணக்கிட்டு அந்தந்த நேரத்தில் அந்தந்த வேலைகளை செய்தால் போதும் வெற்றி நம்மை தேடி வரும்.

நல்ல பொழுதையெல்லாம் தூங்கி கழித்துவிட்டு அதிர்ஷ்டம் இல்லை என்று அலட்டிக் கொள்வார் என்கிறது திரையிசைப்பாடல். சுறுசுறுப்பானவர்கள் அடுக்கடுக்காக வேலைகள் இருந்தாலும் அடுத்தது என்ன என்று வேலையை தேடி தேடி செய்து வெற்றியின் திசைநோக்கிச் அருகில் இருக்கும் வேலைகளைப் பார்க்கலாம் என நினைத்துக் கொண்டேன் வாழ்நாளை தீர்த்து விடுவார்கள் ஆகவே நேரம் சரியில்லை என்று சொல்லாமல் செய்ய வேண்டிய வேலை எதுவாயினும் அதனை நேரத்தோடு செய்து முடிக்க தொடங்க பிறகு பாருங்கள் உங்கள் நேரம் நல்ல நேரம் ஆகிவிடும்.

 சென்று கொண்டிருப்பவன் தொடர்ந்து வென்று கொண்டிருக்கிறான். நின்று கொண்டிருப்பவர் காலத்தை தின்று கொண்டிருக்கிறான் . காலமும் காற்றும் கடலும் அலையும் யாருக்காகவும் காத்திருக்காது. காலத்தில் பயன்படுத்தினால் காலத்தில் கால் பதிக்கலாம் தன்னை மதிப்பவர்களை காலம் மதிக்கும். தன்னை மதிக்காதவர்களை காலம் மிதிக்கும்.


மறந்தும் சோம்பேறித்தனத்திற்கு மட்டும் இடம் கொடுக்காதீர்கள் . அது ஒரு அரேபிய குதிரை போன்றது. அதற்கு இடம் கொடுத்தால் போதும் அது நம்மை அழித்துவிடும். சுறுசுறுப்பு நெருப்பில் சோம்பலை சாம்பலாக்கி விடுங்கள். தள்ளிப்போடும் எண்ணத்தை முளையிலேயே கிள்ளி போடுங்கள்.

தள்ளி போடுவது என்பது உங்களுடைய வேலைகளை மட்டுமல்ல வெற்றிகளையும் தான் என்பதை உணர்ந்து அதையும் இன்றே முடிப்பேன் , இப்பொழுதே முடிப்பேன் என்ற உற்சாகத்துடனும் வேகத்துடனும் தொடங்குங்கள் வெற்றி விடியல் உங்களுடைய ஒவ்வொரு தினத்திலும் காணலாம்.

எதை செய்தாலும் அதனை கடமைக்குச் செய்யாமல் அதனையே கடவுள் வழிபாடாக நினைத்து உள்ளத்தின் ஈடுபாட்டுடன் செய்யுங்கள். வெறுப்புடன் செய்யாமல் பொறுப்புடன் செய்யுங்கள். காலம் தாழ்த்தாமல் உரிய காலத்தில் செய்யுங்கள் எல்லா நேரமும் நல்ல நேரமே.என்றும் நமக்கு வெற்றி தருமே.

நேரம் போகவில்லை என்பவன் தோல்வியின் திசை நோக்கி செல்கிறான். நேரம் போதவில்லை என்பவனும் வெற்றியின் திசை நோக்கி செல்கிறான். நீங்கள் எப்படி?

நகர்ந்தால் தான் ஆறு அழகாக இருக்கும். மலர்ந்தால் தான் செடி அழகாக இருக்கும்.கனிந்தால் தான் மரம் அழகாக இருக்கும். உழைத்தால் தான் மனிதன் அழகாக இருக்க முடியும். உழைப்பின் வேரில் முயற்சி எனும் நீரை ஊற்றி சோம்பல் என்கிற களை நீக்கினால் வாழ்வில் வெற்றிக் கனி பறிக்கலாம்.

தன்னம்பிக்கை தொடர் 2

வெற்றி தோல்விகளை சமமாக பாவித்தல்

இது ஒரு உண்மை சம்பவம்

ஆபிரகாம் லிங்கன் அமெரிக்காவின் முன்னாள் ஜனாதிபதி ஆவார். அமெரிக்காவில் 1809ஆம் ஆண்டு ஏழைக் குடும்பத்தில் பிறந்தவர் ‌. நேர்மை பிறரிடம் அன்பு செலுத்துதல் பிறருக்கு உதவுதல் ஆகிய குணாம்சங்களை கொண்டவர்.

 தோல்வியின் செல்லக்குழந்தை என்று சொல்லும் அளவிற்கு தொடர்ந்து பல தோல்விகளை சந்தித்த அவர் தனது 25-வது வயதில்  இல்லினாய்ஸ் சட்டமன்ற தேர்தலில் போட்டியிட்டு அமெரிக்காவின் 16 ஆவது ஜனாதிபதியாக தேர்ந்தெடுக்கப்பட்டார்.

அவர் வாழ்நாள் முழுவதும் ஒரு கைப்பையை எப்போதும் எடுத்துச் செல்வார். ஒரு நாள் அவருடைய நண்பர்கள் இந்த பையில் என்ன உள்ளது என்று கேட்டார்கள். அதற்கு பதில் ஏதும் கூறாமல் தவித்துக் கொண்டே வந்தார் லிங்கன். ஜனாதிபதி பதவியின் இறுதி ஆண்டின் போது அவரின் நெருங்கிய நண்பரும் அதன் ரகசியத்தை கேட்டார்.

வேறு வழியின்றி ஆப்ரகாம் லிங்கன் அதற்கு சொன்ன பதில் நண்பரை மிகவும் திகைக்க வைத்தது.

தன் தந்தை செருப்பு தைத்தல் தொழிலில் பயன்படுத்திய ஊசி தோல் போன்றவற்றை கைப்பையில் வைத்திருந்ததை கூறினார்.

தான் வெற்றி பெற்ற போதும் ஏழ்மையில் வாடிய காலங்களில் மறக்காமல் இருந்த அவரது பண்பானது வெற்றி தோல்விகளை சமமாக பாவிக்கும் எண்ணத்தை வளர்த்து வந்தார்.

வெற்றியும் தோல்வியும் நிலையானது அல்ல மாறி மாறி வருபவை வெற்றியினால் மகிழ்ச்சி இல்லாமலும் தோல்வியினால் மனம் உடையாமல் இருக்க வேண்டும் எனில் அவற்றை நாம் சமமாக பாவிக்கும் மனப்பக்குவத்தை வளர்த்துக் கொள்ளுதல் வேண்டும்.

கோபம், பொறாமை, வெறித்தனம், மனக்கசப்பு, பயம், தன்னம்பிக்கை இழத்தல் போன்றவற்றில் இருந்து தன்னை காத்துக் கொள்ள வெற்றி தோல்வியை சமமாக கொள்ளுதல் முக்கியம் என்பதை நாம் அறிய வேண்டும்.

தன்னம்பிக்கை தொடர் 1

 நாளும் உற்சாகத்துடன் இன்பமாக வாழலாம் தன்னம்பிக்கை பாடம்

எதற்கெடுத்தாலும் கவலைப்படுபவரா நீங்கள் ? இனி வேண்டாம் கவலை.

என்னடா வாழ்க்கை இது என்று நினைக்காமல் இது என்னுடைய வாழ்க்கை என்று நினையுங்கள். அப்போது உங்கள் மனதில் உருவாகும் எண்ண மாற்றத்தை நீங்கள் அறிவீர்கள். 

இது என்னடா வாழ்க்கை என்று நினைக்கும் போது உங்களுக்கு மனச் சோர்வும் சலிப்பும் அதிகம் உண்டாகும் .இப்போது சொல்லிப்பாருங்கள் என்னடா வாழ்க்கை என்று.

இது என்னுடைய வாழ்க்கை என்று நினைக்கும் போது உங்களுக்குள் உற்சாகமும் பொறுப்பும் வெளிவரத் தொடங்கும் . முன்பை விட உற்சாகமாக ஒருவரை தொடர்ந்து உழைக்க வைக்கிறது . உலக சாதனைகளை நிகழ்த்த வைக்கிறது. ஆகவே உற்சாகத்துடன் இருங்கள்.

சரி எப்பொழுதும் உற்சாகமாக இருப்பது எப்படி என்று பார்ப்போம்.

நடந்ததை நினைத்து அதிகம் கவலை கொள்ளாமல் நடந்தது நடந்ததுதான். நடப்பவை இனி நல்லதாக நடக்கும் என்று நினையுங்கள். நம்பிக்கையுடன் ஒவ்வொரு நிமிடத்தையும் கடந்து செல்லுங்கள்.

நீங்கள் செய்யும் எந்த வேலையாக இருப்பினும் கடமைக்காக செய்யாமல் அவனை கடமையாக செய்து பாருங்கள் .உங்களுக்குள் உற்சாகம் ஊற்றெடுத்து வரும்.

வாழ்க்கை என்பது அவரவர் மனதை சார்ந்தது. நீங்கள் எதனையும் குழந்தை போல அழகாகவும் ஆச்சரியமாகவும் ஒவ்வொரு செயலையும் ரசித்து செய்யுங்கள். உங்கள் வாழ்க்கை மாற வேண்டும் என்றால் முதலில் உங்கள் மனதை மாற்ற வேண்டும்.

கவலைப்படுவதற்கு காரணங்கள் வேண்டுமே தவிர சந்தோஷமாக இருப்பதற்கு காரணங்கள் எதுவும் வேண்டாம் .ஆனந்தமாக இருப்பதற்கு உங்களுடைய மனதை நீங்கள் பக்குவ நிலையில் வைத்திருக்க வேண்டும்.

இவர்கள் இப்படி சொல்லி விடுவார்களோ அவர்கள் அப்படி சொல்லி விடுவார்களோ என்று பயந்து நீங்கள் உங்கள் வேலையை செய்யாமல் விட்டு விடாதீர்கள். முதலில் உங்களுக்கு சரியெனப் படுவதை நீங்கள் செய்யுங்கள்.

போனது போகட்டும் வருவது வரட்டும் எது தேவையோ அதை நான் செய்வேன் தினமும் செய்வேன் என உங்கள் செயல்களை நீங்கள் வழக்கமாக செய்து வாருங்கள்.வெற்றி உங்களை தேடி வரும்.

நாம் உண்ணும் ஒவ்வொரு உணவிலும் மறைந்துள்ள உழவர்களை நினைத்துப் பாருங்கள். அவர்கள் படுகிற கஷ்டங்களை நினைத்தால் நம் கஷ்டம் அதில் மிக மிக குறைவே.

எப்போதெல்லாம் உங்களுக்கு வாய்ப்பு கிடைக்கிறதோ அப்போதெல்லாம் நல்ல புத்தகங்களை வாசியுங்கள். புத்தகங்கள் உங்களை மேலும் புத்தாக்கம் செய்யும்.

வெறுமனே அதனைப் பார்த்தால் வெறும் காகிதம். வெறியுடன் அதனை நீ படித்தால் அதுவே உன் வெற்றியின் ஆயுதம்.

நான் நல்லவனா கெட்டவனா புத்திசாலியா புத்திசாலி  அற்றவனா? அறிவாளியா முட்டாளா என்ற போன்ற வினாக்கள் உங்கள் மனதில் தோன்றும் . புத்தகங்களை வாசிக்கும் போது தான் அதற்கான தெளிவு கிடைக்கும் ‌. உங்களிடம் நல்ல உற்சாகம்  பிறக்கும்.

மீண்டும் தொடர்வோம்.

Monday, July 2, 2018

திருமண பத்து பொருத்தம் அறிவோம்

நீங்களும் அந்த பத்து பொருத்தம் என்னவென்று அறிய வேண்டாமா?

1. தினப் பொருத்தம் : இதை நட்சத்திர பொருத்தம் என்றும் சொல்வார்கள். ஆண், பெண் இருவரது ஆயுள் மற்றும் ஆரோக்கியம் பற்றி தெரிந்து கொள்ள இந்த பொருத்தம் பார்க்கப்படுகிறது.

2. கணப் பொருத்தம் : இது தான் குணத்தை பற்றி தெரிந்து கொள்ளக்கூடிய பொருத்தம். மனைவியாக வரப்போகிறவள், கணவனாக வரப்போகிறவன் எத்தகைய குணத்தை பெற்றிருப்பான் என்பதை இந்த பொருத்தத்தை வைத்து தெரிந்து கொள்ளலாம்.

3. மகேந்திரப் பொருத்தம் : திருமணம் செய்யப்போகும் ஆணுக்கும், பெண்ணுக்கும் இந்த பொருத்தம் இருந்தால் தான் அவர்களுக்கு குழந்தை பாக்கியம் கிடைக்கும். அதனால் இந்த பொருத்தம் ரொம்பவே முக்கியம்.

4. ஸ்திரீ தீர்க்கப் பொருத்தம் : இந்த பொருத்தம் இருந்தால் தான், திருமணம் செய்பவர்கள் வாழ்வில் செல்வம் கொட்டும். அதனால், இதுவும் முக்கியம் தான்.

5. யோனிப் பொருத்தம் : இது மிக, மிக முக்கியமான பொருத்தம். கணவன்-மனைவி இருவரும் தாம்பத்திய வாழ்க்கையில் எந்த அளவுக்கு திருப்தியாக இருப்பார்கள் என்பதை சொல்லக்கூடியது இது. அதனால், இந்த பொருத்தம் கண்டிப்பாக இருக்க வேண்டும்.



6. ராசிப் பொருத்தம் : இந்த பொருத்தம் இருந்தால் தான் வம்சம் விருத்தியாகும். அதாவது, வாழையடி வாழையாக குடும்பம் தழைக்கும்.

7. ராசி அதிபதி பொருத்தம் : குடும்பம் சுபிட்சமாக-சந்தோஷமாக இருக்குமா என்பது தெரிவிக்கக்கூடியது இந்த பொருத்தம். 

8. வசிய பொருத்தம் : இந்த பொருத்தம் இருந்தால் தான் கணவன்-மனைவிக்குள் ஒரு ஈர்ப்பு ஏற்படும். இல்லையென்றால் சண்டைக்கோழி தான்.

9. ரஜ்ஜூப் பொருத்தம் : இந்த பொருத்தம் இருந்தால் தான் கணவனுக்கு ஆயுள் பலம் உண்டாகும். பெண்ணின் மாங்கல்ய பாக்கியத்தை உறுதி செய்யும் இந்த பொருத்தம் இருப்பது மிக மிக அவசியம்.

10. வேதைப் பொருத்தம் : திருமணம் செய்யப்போகும் தம்பதியர் வாழ்வில் சுக துக்கங்கள் எந்த அளவில் இருக்கும் என்பதை கணிக்கக்கூடியது இந்த பொருத்தம். இந்த பொருத்தம் ஓ.கே. என்றால் தான், பின்னாளில் வாழ்வில் பிரச்சினைகள் அதிகம் இருக்காது.

இந்த பத்து பொருத்தங்கள் எல்லோருக்கும் வாய்ப்பது மிகவும் கடினம். இவற்றில் தினம், கணம், யோனி, ராசி, ரஜ்ஜூ ஆகிய 5 பொருத்தங்கள் தான் மிகவும் முக்கியமானவை என்கிறார்கள் ஜோதிட வல்லுனர்கள்.

பத்து பொருத்தம் பற்றி ஜோதிடம் இப்படிச் சொன்னாலும், அதே ஜோதிடம் இன்னொரு பொருத்தத்தையும் கண்டிப்பாக பார்க்க வேண்டும் என்று சொல்கிறது. அது தான் மனப் பொருத்தம். மனப் பொருத்தம் இருந்தால் மாங்கல்ய பொருத்தம் உண்டு என்பது ஜோதிட கருத்து. இதை பலர் கண்டு கொள்வதே இல்லை.

பத்து பொருத்தங்களை பார்க்கும் நாம் மனப் பொருத்தத்தையும் கண்டிப்பாக பார்க்க வேண்டும். அதாவது, திருமணம் செய்யப்போகும் பெண்ணுக்கு ஆணை பிடித்திருக்கிறதா என்றும், ஆணுக்கு பெண்ணை பிடித்திருக்கிறதா என்றும் கேட்டு உறுதி செய்வது அவசியம். அதன் பின்னர் தான் திருமணத்தை நிச்சயம் செய்ய வேண்டும். இதை ஜோதிட சாஸ்திரமே வலியுறுத்துகிறது.