கல்வி ஆசான் வலைப்பதிவு பக்க வருகைக்கு வணக்கம் @ அன்னையர் தினம் நல்வாழ்த்துக்கள் என்றும் அன்புடன் ராம்ஜீ.
javascript snowHtml Codes

Saturday, June 23, 2018

பகவத் கீதையின் மிகச் சிறந்த வசனங்கள்

பகவத்கீதையின் மிகச்சிறந்த வசனங்கள்          

 1. அதிகம் பேசாதவனை உலகம் அதிகம் விரும்புகிறது. 

அளந்து பேசுபவனை அதிகம் மதிக்கிறது. 

அதிகம் செயல்படுபவனையே கைகூப்பித் தொழுகிறது.



2. கற்ற அறிவையும், பெற்ற செல்வத்தையும் இறுதிக் காலம் வரை மற்றவர்களுக்காகச் செலவிடுங்கள்.

3. ந‌ம்மு‌ட‌ன் வா‌ழ்வோரை‌ப் பு‌ரி‌ந்து கொ‌ள்வத‌ற்கு ந‌ம்மை முத‌லி‌ல் பு‌ரி‌ந்து கொ‌ள்ள வே‌ண்டு‌ம்.

4. ந‌ம்‌பி‌க்கை குறையு‌ம் போது ஒ‌வ்வொரு ம‌னிதனு‌ம் நெ‌றிய‌ற்ற கொ‌ள்கையை மே‌ற்கொ‌ள்‌கிறா‌ன்.

5. சலித்துக் கொள்பவன் ஒவ்வொரு வாய்ப்பிலும் உள்ள ஆபத்தைப் பார்க்கிறான். 

சாதிப்பவன் ஒவ்வொரு ஆபத்திலும் உள்ள வாய்ப்பினைப் பார்க்கிறான்.

6. ம‌கி‌ழ்‌ச்‌சி எ‌ன்ற உண‌ர்‌ச்‌சி ம‌ட்டு‌ம் இ‌ல்லா‌வி‌ட்டா‌ல் வா‌ழ்‌க்கை எ‌ன்பது சும‌க்க முடியாத பெ‌ரிய சுமையா‌கி‌யிரு‌க்கு‌ம்.

7. உலகம் ஒரு விசித்திரமான கல்லூரி. 

இங்கே பாடம் சொல்லிக்கொடுத்துத் தேர்வு வைப்பது இல்லை. 

தேர்வு வைத்த பிறகே பாடம் கற்பிக்கப்படுகிறது.

8. சிக்கனம் என்பது ஒருவன் பணத்தை எவ்வளவு குறைவாகச் செலவு செய்கிறான் என்பதைப் பொறுத்தது அல்ல. 

அதை அவன் எவ்வளவு உபயோகமாகச் செலவிடுகிறான் என்பதைப் பொறுத்தது ஆகும்.

9. எதை இழந்தீர்கள் என்பதல்ல முக்கியம், என்ன மிச்சம் இருக்கிறது என்பதே முக்கியம்.

10. அரிய சாதனைகள் அனைத்தும் வலிமையினால் செய்யப்பட்டவை அல்ல; விடாமுயற்சியினால் தான்.

11. முன்நோக்கி செல்லும் போது கனிவாயிரு. 

ஒருவேளை பின்நோக்கி வரநேரிட்டால் யாராவது உதவுவார்கள்.

12. ரகசியத்தை வெளிப்படுத்தியவனுக்கும், 
துக்கத்தை வெளிப்படுத்தாதவனுக்கும் மனதில் நிம்மதி இருக்காது.

13. எல்லோரையும் நம்புவது அபாயகரமானது. 

ஒருவரையும் நம்பாமல் இருப்பது இன்னும் அபாயகரமானது.

14. எல்லாத் துன்பங்களுக்கும் இரண்டு மருந்துகள் உள்ளன. 

ஒன்று காலம், இன்னொன்று மெளனம்.

15. எல்லோரும் தம்மை விட்டு விட்டு வேறு யாரையோ சீர்திருத்த முயலுகிறார்கள்.

16. ஆசையில்லாத முயற்சியால் பயனில்லை. 

முயற்சியில்லாத ஆசையால் பயனில்லை.

17. செயல் புரியாத மனிதனுக்கு தெய்வம் ஒருபோதும் உதவி செய்யாது.

18. சண்டைக்குப் பின் வரும் சமாதானத்தைவிட, 

என்றும் சண்டையே இல்லாத சமாதானம்தான் வேண்டும்.

19. நேற்றைய பொழுதும் நிஜமில்லை; 

நாளைய பொழுதும் நிச்சயமில்லை; 

இன்றைக்கு மட்டுமே நம் கையில்.

20. மகிழ்ச்சியாய் நீ வீணாக்கிய தருணங்களெல்லாம் வீணானவையல்ல.

21. பழமையைப் பற்றி ஒன்றுமே தெரியாமல் புதுமையைச் சிறப்பாகப் படைக்க முடியாது.

22. வாசிப்புப் பழக்கம் என்பது அருமையான ருசி, அழகான பசி. 

ஒரு முறை சுவைக்கப் பழகிவிட்டால் அது தொடர்ந்து வரும்.

23. நீங்க‌ள் விரும்புவ‌து ஒருவேளை உங்க‌ளுக்குக் கிடைக்காம‌ல் போக‌லாம். 

ஆனால் உங்க‌ளுக்குத் த‌குதியான‌து உங்க‌ளுக்குக் க‌ண்டிப்பாக‌க் கிடைத்தே தீரும்.

24. அறிவு ஒன்றுதான் அச்சத்தை முறிக்கும் அரிய மருந்து. 

அறிவை வளர்த்துக் கொண்டால் எல்லாவிதமான பயங்களும் அகன்றுவிடும்.

25. தவறு நேர்ந்து விடுமோ என்று அஞ்சி அஞ்சி எந்த செயலையும் செய்யாமல் பின் வாங்குவது இழிவானது 


Friday, June 22, 2018

சிறுநீரக கற்கள் வராமல் தடுக்க சில வழிகள்

சிறுநீர் செல்வதில் சிரமம் ஏற்படுவதில் துவங்கி, இருபக்க இடுப்பின் பின் பக்கத்திலிருந்து அலை போல வலி உருவாகி, பிறப்புறுப்பு வரை பரவும். சிரமப்பட்டு வெளியேற்றப்படும் சிறுநீர் அதிக மஞ்சள் நிறத்துடன் காணப்படும். சிலருக்கு சொட்டு சொட்டாகவும் வெளியேறும். இதனால் தொற்று ஏற்பட்டால், காய்ச்சல் உண்டாகும். வெப்ப பகுதிகளில் வசிப்போருக்கு, உடலில் நீர்சத்து குறையும் போது, இதுபோன்று கற்கள் அடிக்கடி ஏற்படும்.




40 – 60 வயதுள்ள ஆண்களிடையே இந்த உபாதை அதிகம் காணப்படுகிறது. பரம்பரையாகவும் இது ஏற்படலாம். கல் உருவாகி, சிகிச்சை எடுத்து கொண்டோரில் 50 சதவீதத்தினருக்கு, 10 ஆண்டுகளுக்கு பின் மீண்டும் கல் தோன்ற வாய்ப்பு உண்டு. உடலில் உள்ள மொத்த ரத்தமும், சிறுநீரகம் வழியே செல்கிறது. 

ரத்தத்திலிருந்து நீரையும், ரசாயனங்களையும், சிறுநீரகம் பிரிக்கிறது. ரசாயனங்கள் கல் ஆகாமல் இருக்க, சிறுநீரகமும் சில கரைப்பான்களை சுரக்கிறது. அதையும் மீறி தோன்றும் சிறு கல்கள், ஒன்றாகச் சேர்ந்து பெரிய கல்லாக உருவாகி விடுகின்றன.

சிறுநீரகத்தில் கரைப்பான்கள் சுரப்பதில், பரம்பரையாகத் தடை கொண்டவர்களுக்கு, கல் உருவாவது சகஜம். அடிக்கடி தொற்று ஏற்பட்டாலோ, சிறுநீர் அடர்த்தியாக இருந்தாலோ, அடிக்கடி வெகுநேரம் சிறுநீரை அடக்குபவர்களுக்கோ கூட, கரைப்பான்கள் சுரப்பதில் பிரச்னை ஏற்படும்.

 மூட்டு வீக்கத்தால் பாதிக்கப்படுபவர்களின் உடலில் உப்பு அதிகம் சுரப்பதாலும், சிறுநீரகத்தில் கல் உருவாகும்.

எந்த அறிகுறியும் தெரியாத சிறுநீரகக் கல்லை, அல்ட்ரா சவுண்டு ஸ்கேன் அல்லது எக்ஸ்-ரே எடுத்து பார்த்து அறிந்து கொள்ளலாம். வலி போன்ற பொதுவான அறிகுறிகளைச் சொன்னாலே, கல் இருக்கிறதா என்பதை பரிசோதிக்க, இது போன்ற பரிசோதனைகளை எடுக்குமாறு, டாக்டர் பரிந்துரைப்பார். 

சில நேரங்களில், ஐ.வி.பி., என்ற, நரம்பில் சாயம் ஏற்றி, கல் இருக்கும் இடத்தையும், அதன் அளவையும் கண்டறியும் பரிசோதனையும் செய்யப்படுகிறது. கற்களை நீக்க, பெரும்பாலான நேரங்களில் கடுமையான சிகிச்சை முறைகள் மேற்கொள்ளப்படுவதில்லை.

நாள் ஒன்றுக்கு, நான்கைந்து லிட்டர் தண்ணீர் குடிப்பவருக்கு, சிறுநீரகத்தில் கல் இருந்தாலும், சிறுநீர் மூலம் வெளியேறி விடும். வலி ஏற்பட்டால், வலி நிவாரணி மாத்திரைகள் சாப்பிடலாம். கல்லில் உள்ள ரசாயனங்கள் குறித்து அறிந்து கொண்டால், அதை வைத்து, மருந்து, உணவுக் கட்டுப்பாடுகளை டாக்டர் பரிந்துரைப்பார். தொடர்ந்து கடும் வலி, மிகப்பெரிய கல் ஆகியவை இருந்தால், அறுவை சிகிச்சை மூலம் மட்டுமே அதை அகற்ற முடியும்.

கல் வளர்ந்து கொண்டே இருப்பது, தொடர் தொற்று ஆகியவை, சிறுநீரகத்தை பாதிக்கும் என்பதால், இதுபோன்ற நிலைகளில், அறுவை சிகிச்சை செய்யப்படுகிறது. சிறுநீரகத்தை திறந்து, அறுவை சிகிச்சை மேற்கொள்வது இல்லை. கல் இருக்கும் இடத்தில், உடலின் மேற்புறம், மின் அலைகள் உருவாக்கப்படுகிறது. 

இந்த அதிர்வலைகள், கல்லைத் தாக்கி, அதை உடைக்கின்றன. பொடியான கற்கள், சிறுநீர் வழியே வெளியேறி விடும். சிறுநீர் பாதையை கல் அடைத்து கொண்டால், செயற்கை குழாய் பொருத்தி கல்லை அகற்றலாம். வேறு சிகிச்சை முறைகளும் உள்ளன.

கடிதம் எழுதும் போது கவனிக்க வேண்டியவை

கடிதம்  எழுதும் போது  கவனத்தில்  கொள்ள வேண்டியது. 


1 ) அனுப்புனர்  அல்லது  விடுநர்  பெயர், முகவரி குறிப்பிட வேண்டும். 

2 ) பெறுனர் பெயர், முகவரி குறிப்பிட வேண்டும். 

3 ) யாருக்கு கடிதம் அனுப்பப்படுகின்றது  என்பதைப்பொருத்து 
எப்படி  அழைப்பது  என்று  முடிவு செய்து  எழுத  வேண்டும். 


தலைமை ஆசிரியர்,  மேலதிகாரி,  அரசு  அதிகாரி  என்றால்  மதிப்பிற்குரிய  ஐயா  என   
அழைக்க வேண்டும். 


பெற்றோர், உறவினர், சகோதரன், சகோதரி, நண்பன் என்றால் 
அன்புள்ள   என  அழைக்க வேண்டும். 


வேறு  வெளியாட்களாக  இருப்பின்  அன்புடையீர்  என அழைக்க வேண்டும். 

4 )  கடிதத்தின்  பொருள்  என்ன என்பதை  எழுத வேண்டும். 

5 ) உள்ளடக்கம் -  நாம்  என்ன  சொல்ல  விரும்புகிறோமோ, அதை 
சுருக்கமாக  எழுதிட வேண்டும். 


6 )  இறுதியில்   ஊர், நாள்  ஆகியவற்றை  கடிதத்தின்  வலது  மூலையில் 
எழுதிட வேண்டும். 

7 )  இடது மூலையில்  யாருக்கு  கடிதம்  அனுப்பியுள்ளோம்  என்பதைப் 
பொறுத்து  தங்களின் பணிவான, அன்பான, உண்மையான  என்று 
எழுதிட வேண்டும். 


தலைமை ஆசிரியர்,  மேலதிகாரி,  அரசு  அதிகாரி  என்றால்  தங்களின் பணிவான   என   
நிறைவு செய்திட  வேண்டும். 


பெற்றோர், உறவினர், சகோதரன், சகோதரி, நண்பன் என்றால் 
தங்களின் அன்பான    என  முடித்திட  வேண்டும். 


வேறு  வெளியாட்களாக  இருப்பின்  தங்களின் உண்மையான   என நிறைவு செய்திட  வேண்டும். 


எந்த ஒரு கடிதத்திலும்   மேற் சொன்ன ஏழு 
அம்சங்களும்  கண்டிப்பாக  இருந்திட வேண்டும். 

தற்செயல் விடுப்பு எடுக்க அனுமதி வேண்டி கடிதம்

தற்செயல்  விடுப்பு  கேட்டு  அலுவலகத்திற்கு  கடிதம் 


விடுநர் 
                 கே.சுப்பிரமணி, 
                 சார் பணியாளர், 
                 சம்பள வரிசை  எண்  456745 
                எல்.ஐ.சி ஆப்  இந்தியா, 
                வாணியம்பாடி  கிளை. 
பெறுனர் 
              கிளை மேலாளர், 
               எல்.ஐ.சி ஆப்  இந்தியா, 
              வாணியம்பாடி  கிளை. 

மதிப்பிற்குரிய  ஐயா, 

                                                             பொருள் :   
விடுப்புக் கடிதம். 

நெருங்கிய  உறவினர்  ஒருவரது  திருமணம்  வரும்  16 .06 .2011  அன்று வேலூரில்  நடைபெறவுள்ளது. நான்  அத்திருமணத்திற்கு  அவசியம் 
செல்ல வேண்டியுள்ளதால்   16 .06.2011  அன்று  ஒரு நாள் மட்டும் 
தற்செயல்  விடுப்பு  அளிக்குமாறு  கேட்டுக்கொள்கிறேன். 
                                                                   நன்றி 

இடம் : வாணியம்பாடி                                                       
தங்களின் உண்மையான 

நாள் : 15 .06 .2011                                                                         

மருத்துவ விடுப்பு கேட்டு கடிதம்

மருத்துவ   விடுப்பு  கேட்டு  பள்ளிக்கு   கடிதம் 



விடுநர் 
                 தா.தங்கவேலு , 
                 ம/பெ த.சுப்பிரமணி 
பெறுநர் 
                  தலைமை ஆசிரியர் 
                  அரசு மேல்நிலைப் பள்ளி 
                  சத்துவாச்சாரி 



மதிப்பிற்குரிய  ஐயா, 

                                                             பொருள் :   
மருத்துவ  விடுப்புக் கடிதம். 

                          எட்டாம் வகுப்பு பி பிரிவில் படித்து வரும் என் மகன் த. 
சுப்ரமணிக்கு இரண்டு நாட்களாக காய்ச்சல். மருத்துவர் அவனுக்கு காய்ச்சல் அதிகமாக 
இருப்பதால் அவனக்கு கட்டாயமாக ஓய்வு தேவை என்றுள்ளார். எனவே அவன் ஆறு மற்றும் ஏழாம் 
தேதி அவனுக்கு விடுமுறை  அளிக்கும்  படி தாழ்மையுடன் கேட்டுக் கொள்கிறேன். 


                                                                               நன்றி 

இடம: 
வேலூர்                                                                     
தங்களின் உண்மையான 

நாள் : 06 .06 .2011                                                                         

தெரு விளக்கு எரிய வேண்டி நகராட்சிக்கு கடிதம்

தெரு விளக்கு எரியவில்லை என்று நகராட்சிக்கு கடிதம் 

விடுநர் 
                 கே.பாண்டியன்
                  1 /2  திருநகர் 
                  வேலூர் 
பெறுநர் 
                  ஆணையாளர் 
                   வேலூர்  மாநகராட்சி 
மதிப்பிற்குரிய ஐயா, 
                                        
பொருள் :விளக்கு எரியவில்லை என்று 
நகராட்சிக்கு கடிதம். 
                            
 என் பெயர் கே.பாண்டியன். நன் வேலுரின் திருநகரில் 
வசித்து வருகிறேன். எங்கள் தெருவில் கடந்த இரண்டு வாரங்களாக தெரு விளக்கு எரியவில்லை. 
இதனால் பொது மக்கள் மிகவும் அல்லல் படுகிறார்கள். மாலை மற்றும் இரவு நேரங்களில் பாதையில் 
செல்வது மிகவும் கடினமாக உள்ளது. எதிரில் வாகனங்கள் வருவதை எளிதில் காண 
முடியவில்லை. எனவே விரைவில் தெரு விளக்கை சரி செய்யுமாறு பணிவுடன் கேட்டுக் கொள்கிறேன். 
                                                              நன்றி 



இடம: 
வேலூர்                                                                     
தங்களின் உண்மையான 

நாள் : 06 .06 .2011                                                                         

பள்ளி சான்றிதழ் வழங்க வேண்டி தலைமை ஆசிரியர்களுக்கு கடிதம் எழுதுதல்

பள்ளிச் சான்றிதழ் கேட்டு   தலைமை ஆசிரியருக்கு கடிதம் 

விடுநர் : 
                 ச.கரண் 
                 பத்தாம் வகுப்பு 
                 அரசு மேல்நிலை பள்ளி 
பெறுநர் 
                  தலைமை ஆசிரியர் 
                   அரசு மேல்நிலை பள்ளி 
மதிப்பிற்குரிய ஐயா : 
                                                 
 பொருள்: பள்ளிச் சான்றிதழ் 
கேட்டு தலைமை ஆசிரியருக்கு கடிதம். 


                                           
  என் பெயர் ச.கரண். நன் பத்தாம் 
வகுப்பு பொதுத் தேர்வில் தேர்ச்சி பெற்றுள்ளேன் . என் தந்தைக்கு பணியில் இடம் மாற்றம் 
ஏற்பட்டுள்ளதால் நான் இப்பள்ளியை விட்டு நீங்க வேண்டிய கட்டாயம் ஏற்பட்டுள்ளது. எனவே எனது 
பள்ளிச் சான்றிதழை அளிக்குமாறு பணிவுடன் கேட்டுக் கொள்கிறேன். 
                                                                               நன்றி 
                                          இப்படிக்கு

இடம்: 
வேலூர்                                                             நாள்: 06 .06 .2011                                                                         

நண்பனுக்கு நீ சென்ற சுற்றுலா குறித்து கடிதம்

நீங்கள் சென்ற இடம் பற்றி நண்பனுக்கு கடிதம் 

                                                                                                                            
                                           ல.முத்துசாமி 
                                                                                                                             வேலூர் 
                                                                                                                             06 .06 .2011 
அன்புள்ள  ராஜா, 
                                            நலம் நலமறிய ஆவல். முத்துசாமி
எழுதுவது. நான் சென்ற வாரம் என் குடும்பத்துடன் விடுமுறையை கொண்டாட கன்னியாகுமரி 
சென்றேன். நான் சென்ற ஊர்களுள் இதுவே என்னை மிகவும் கவர்ந்தது.இந்திய பெருங்கடல், வங்காள 
விரிகுடா, அரபிக் கடல் ஆகிய மூன்று கடல்களும் சங்கமிக்கும் இடம்.  இந்தியாவின் தெற்கு 
பகுதியான இவ்விடத்தில் சூரியன் உதயம் ஆகும் போது இரு கண்களுக்கும் விருந்து போல் 
இருக்கும். கடற்கரை எல்லாம் அவ்வளவு அழகு. அங்குள்ள திருவள்ளுவர் சிலை மிகவும் 
தத்ரூபமாக செதுக்கி உள்ளதன் மூலம் தமிழனின் திறமை புலனாகிறது. விவேகானந்தர் நினைவு 
மண்டபம், காந்தி மண்டபம் போன்றவையும் என்னை கவர்ந்தன. நான் மிகவும் மன திருப்தியுடன் ஊர் 
திரும்பினேன். நீயும் ஒரு முறை அங்கு சென்று வா. ஒரு நாள் வீட்டுற்கு அவசியம் வர வேண்டும். 
                           இப்படிக்கு உன் பதில் கடிதத்தை ஆவலுடன் எதிர் பார்த்து 
கொண்டிருக்கும் ஆருயிர் நண்பன் 
                                                                                                                           ல.முத்துசாமி

திருட்டு போன செல்போனை தானே கண்டறிந்த பட்டதாரி

திருட்டு போன செல்போனை தானே மீட்ட பட்டதாரி போலீசார் போல் துப்பறிந்தவருக்கு பாராட்டு



வடமாநில வாலிபரை கையும், களவுமாக பிடித்து திருட்டு போன செல்போனை தானே பட்டதாரி மீட்டார். போலீசார் போல் துப்பறிந்த அவருக்கு போலீஸ் அதிகாரிகள் பாராட்டு தெரிவித்தனர்.

சென்னை பெரம்பூரை சேர்ந்தவர் சிமியோன் (வயது 24). பட்டதாரியான அவர் மருந்து விற்பனை பிரதிநிதியாக வேலை பார்த்து வருகிறார்.சிமியோன் சமீபத்தில் ஆசையாக விலை உயர்ந்த ஒரு செல்போனை தவணை முறையில் வாங்கினார். அதற்கான தவணையையும் மாதந்தோறும் செலுத்தி வருகிறார்.

இந்நிலையில் சிம் கார்டு தொடர்பாக புரசைவாக்கத்தில் உள்ள சிம் கார்டு நிறுவனத்துக்கு சிமியோன் 13-ந் தேதி சென்றார். அப்போது அங்குள்ள மேஜையில் செல்போனை வைத்தபடி அங்கிருந்த ஊழியர்களிடம் சிம் கார்டு குறித்து விசாரித்தார்.

சிறிது நேரத்தில் மேஜையில் வைத்த செல்போனை காணாததால் சிமியோன் அதிர்ச்சி அடைந்தார். இது குறித்து அங்கிருந்த ஊழியர்களிடம் கேட்ட போது அவர்கள் எங்களுக்கு தெரியாது என கைவிரித்து விட்டனர்.இதனால் செல்போன் திருடு போனது குறித்து கீழ்ப்பாக்கம் போலீசில் சிமியோன் புகார் செய்தார். 3 நாட்களுக்கு மேல் ஆகியும் போலீசாரிடம் இருந்து எந்தவித நல்ல பதிலும் வரவில்லை. 

இதையடுத்து தானே களம் இறங்கி செல்போனை கண்டுபிடிக்க சிமியோன் முயற்சி மேற்கொண்டார்.இதற்காக தன்னுடைய நண்பரான என்ஜினீயர் ஜாபரின் உதவியை நாடினார். இருவரும் புரசைவாக்கத்தில் உள்ள சிம் கார்டு நிறுவனத்துக்கு மீண்டும் சென்று அங்குள்ள மேலாளரிடம் நடந்த விவரத்தை கூறினர். 

பின்னர் தான் வந்த தேதி, நேரத்தை குறிப்பிட்டு அங்கு பதிவான கண்காணிப்பு கேமரா பதிவுகளை சிமியோன் பார்த்தார்.அதில், தன் அருகே வட மாநில வாலிபர்கள் 2 பேர் நிற்பதையும், அவர்கள் வெளியே செல்லும் போது பதற்றத்துடன் தன்னை திரும்பி பார்த்து சென்றதையும் கண்டார். 

இவர்கள் தான் தன்னுடைய செல்போனை திருடி இருக்க முடியும் என சிமியோன் முடிவுக்கு வந்தார்.அந்த கண்காணிப்பு கேமரா பதிவுகளை பதிவு செய்ததுடன், வட மாநில வாலிபர்கள் வாங்கிய சிம்கார்டு எண்ணையும் பெற்றுக்கொண்டார். இந்த தகவலையும் போலீசாரிடம் சிமியோன் கொடுத்தார். பின்னர் போலீசார் விசாரணை தாமதமாகலாம் என கருதி தானே செல்போன் திருடியவரை பிடிக்க அவர் முடிவு செய்தார்.

முதலில் தன்னுடைய செல்போனை தொடர்பு கொண்ட போது அதை திருடியவர் ‘சுவிட்ச் ஆப்’ செய்து இருந்தார். இதனால் அவர் வாங்கிய சிம்கார்டு எண்ணுக்கு தொடர்பு கொண்டார். அந்த எண்ணும் ‘சுவிட்ச் ஆப்’ செய்யப்பட்டு இருந்தது.இதனால் அந்த நபர் முகநூல், வாட்ஸ்-அப் போன்ற சமூக வலைத்தளங்களில் இருக்கிறாரா? என தன் நண்பர் உதவியுடன் ஆய்வு செய்தார். அப்போது அவர் முகநூலில் இருப்பது தெரியவந் தது. அவர் பீகாரை சேர்ந்த பங்கஜ்குமார் (19) என தெரியவந்தது.

 ஆனால் அவர் முகநூலில் அதிகம் செயல்படவில்லை.அடுத்தகட்டமாக அவருடைய நட்பு வட்டாரத்தை தேடினார். அதில் இருந்தவர்களின் செல்போன் எண்களையும் சேகரித்தார். அவர்களை தொடர்பு கொண்டு, பங்கஜ்குமார் வேலைக்காக கேட்டிருந்ததாகவும், அவருடைய செல்போன் எண்ணை தரும்படியும் கேட்டனர். உடனே அவர்கள் பங்கஜ்குமாரின் செல்போன் எண்ணை கொடுத்தனர்.அந்த எண்ணுக்கு பேசிய போது முதலில் மாதவரத்தில் உள்ள ஒரு வீட்டு உபயோக பொருட்கள் கடையில் வேலை பார்ப்பதாக தெரிவித்த பங்கஜ்குமார் திடீரென உஷாராகி செல்போனை ‘சுவிட்ச் ஆப்’ செய்து விட்டார். 

சிறிய தடயம் கிடைத்ததால் மாதவரத்தில் உள்ள வீட்டு உபயோக பொருட்கள் கடைகளை சிமியோன் தேடி அலைந்தார்.அதில் வட மாநில வாலிபர்கள் வேலை செய்யும் கடையை கண்டுபிடித்தார். அந்த கடைக்கு சென்ற போது கண்காணிப்பு கேமராவில் பார்த்த பங்கஜ்குமார் அங்கு இருந்ததை கண்டார். உடனே அவரை பிடித்து கடை உரிமையாளரிடம் விவரத்தை தெரிவித்தார்.

முதலில் மறுத்த பங்கஜ்குமார் பின்னர் செல்போன் திருடியதை ஒப்புக்கொண்டார். அவரிடம் இருந்து தன்னுடைய செல்போனை சிமியோன் மீட்டார். அதை தொடர்ந்து அவரை போலீசில் ஒப்படைத்தார்.போலீசார் போல் சாதுர்யமாக துப்பறிந்து செல்போன் திருடியவரை பிடித்த சிமியோனை போலீஸ் அதிகாரிகள் பாராட்டினர்

Monday, June 18, 2018

மனதை உலுக்கிய உண்மைச் சம்பவம்

மனதை உலுக்கிய உண்மைச் சம்பவம்.


நான் எப்போதுமே சாதாரண மக்களுடன் இயல்பாக பழகும் குணம் உடையவன்.

தினமும் அலுவலகம் செல்லும் வழியில், ஒரு பெரியவர்  வெய்யிலிலும் மழையிலும் பொம்மைகள் விற்றுக் கொண்டு இருப்பதைப் பார்த்து இருக்கிறேன்... 

நேன்று மாலை 
குழந்தைக்கு ஒரு பொம்மை வாங்கலாம் என்று, அவரிடம் ஒரு வெள்ளை நிற பூனை பொம்மை குடுங்கய்யா என்றேன்.

அவர் 80 ருபாய் என்றார். பணக்கார கடைகளில் பேரம் பேசாமல், ஏழைகளிடம் தானே நாம் பேரம் பேசுவோம். அதுதானே சராசரி மனிதர்களின் இயல்பு... 

அதனால் நான் என்னங்கைய்யா ஒரு  குழந்தை பொம்மை 80 ரூபாயா 70 ரூபாய்க்கு குடுங்க என்றேன். அவர் என் கண்களை உற்றுப் பார்த்து, இதை குழந்தைகளுக்கா வாங்கறீங்க? என்றார்.

நான் ஆமாம் என்றேன்.. அவர் கொஞ்சம் மெதுவான குரலில்,
சரி குடுங்க என்றார்.

அவர் கண்களில் லேசாக கலங்கியதை நான் கவனித்தேன்.. அது மனதை என்னவோ செய்ய.... ஏன் அய்யா என்னாச்சு? ஏன் அழறீங்க? ன்னு கேட்டேன்.
ஒன்னுமில்ல சார் என்றார். நான் மீண்டும் மீண்டும் வற்புறுத்தி கேட்கவும், அவர் மெதுவாக  சொல்ல ஆரம்பித்தார். 

ஆவுடையப்பன் (77)  பார்வதி (73 )
தம்பதிகளுக்கு 6 குழந்தைகள்.
மிகவும் ஏழ்மையான குடும்பம்.

ஆவுடையப்பன் சொல்கிறார்; மிகவும்
கஷ்டமான நிலையில் பிள்ளைகளை
வளர்த்தேன். பலநாட்கள்
நானும் மனைவியும் சாப்பிடுவது கூட 
இல்லை. இருப்பதை பிள்ளைகளுக்கு
கொடுத்துவிடுவோம்.

பலநாள் இரவுபட்டினி இருந்திருக்கிறோம்.
ஒருநாள்கூட மனைவி இதற்காக
என்னோடு சண்டை போட்டதில்லை.

பிள்ளைகள் எல்லாம் திருமணம்
முடித்து சென்றுவிட்டனர். 
தடுமாறும் வயது எங்களுக்கு. ஆதலால் பெற்ற மக்களின்
வீட்டில் போய் இருக்கலாம் என்ற
எண்ணத்தில், மூத்த மகனிடம்
சொன்னேன்.

அதற்கு
அவன் இருவரையும் கூட்டிக் கொண்டு போய் வைத்து பராமரிக்க  முடியாது, யாரவது  ஒருவர்
வரலாம் என்றான்... அப்படி நான் மூத்த மகன்
வீட்டிற்கும், மனைவி வேறுஒருமகன்
வீட்டிற்கும் சென்றோம்.

47 வருடங்கள் ஒன்றாக வாழ்ந்த மனைவியை பிரிந்து தனிமையில், பலநாட்கள் அழுதிருக்கிறேன்.

மனைவியின் நினைவுகள் எப்போதும். இரண்டு வார்த்தை கூட பேச முடியாமல் அழுதிருக்கிறேன். இறுதியில் என்மனைவி இருக்கும் ஊருக்கு
சென்றேன்.

என்
மனைவியிடம் சொன்னேன்...
நாம் வேறு எங்காவது போய் விடலாமா? என்றேன். மனைவியும் அழுது கொண்டே  சம்மதித்தாள்.
நாங்கள்
பெற்று
வளர்த்து
ஆளாக்கிய பிள்ளைகளை விட்டு வெளியே வந்து ஒருவருடமாகிறது.



நான் குழந்தைகளின் பொம்மைகள்
நடந்து விற்கிறேன் தினமும் 80 ரூபாய் முதல் 100 வரைகிடைக்கும். வயது 77 ஆகிறது. எப்போது வேண்டுமானாலும் நான் இறந்து போகலாம்.
ஏன்?
நான் நடந்துகொண்டிருக்கும் போதே கூட மரணம் வரலாம்.

அதனால்
அந்த 100 ரூபாயில் கொஞ்சம் மிச்சம்
பிடித்து சேமிக்கிறேன். அது எங்கள்  மரணசெலவிற்கு. என் பிள்ளைகளுக்கு அந்த செலவு கூட வேண்டாம் என்று அதை மனைவியிடம் கொடுத்து வைத்திருக்கிறேன்.  

ஒருநாள் இந்தபணம் எதற்கு சேமிக்கிறீர்கள்? என்று என்மனைவி
கேட்டாள்..... நம் மரணசெலவிற்கு
என்றேன். சத்தமாக கத்தி அழுது விட்டாள்.

இப்போது என்மனைவியின் பிரார்த்தனை...... என் கணவர் மரணிக்கும் அதே நேரத்தில்
எனக்கும் மரணத்தை கொடு...சாமி என்று அடிக்கடி சொல்கிறாள்.

என் பிரார்த்தனையும் அதுவே தான் என்று அவர் சொல்லவும்,

இதை  கேட்டுக்கொண்டிருந்த நான் மனதால் நொறுங்கிப் போனேன்.

நீங்கள் இங்கே இருப்பது உங்கள் பிள்ளைகளுக்கு தெரியுமா? என்றேன்.....

அவர் தெரியாது என்றார்... எனக்கு மனம் கனத்துப் போனது... 

நாம் நாகரிகமான உலகில் தான் வாழ்கிறோமா?

சாதாரண மக்களிடம் தான் எத்தனை எத்தனை வலிகள் புதைந்திருக்கின்றன.

இப்போதெல்லாம் தெருவில், சிறு வணிகர்களிடம் பேரம் பேசுவதே இல்லை.