வேலைவாய்ப்பு அலுவலகத்தில் புதுப்பிக்க தவறியவர்களுக்கு மீண்டும் ஓர் வாய்ப்பு

வேலைவாய்ப்பு சிறப்பு புதுப்பித்தல் சலுகை இன்று முதல் துவக்கம்

தமிழகத்திலுள்ள வேலை வாய்ப்பு அலுவலகங்களில் பதிவு செய்து, புதுப்பிக்க தவறியவர்களுக்கு, சிறப்பு புதுப்பிக்கும் சலுகை வழங்கப்பட்டுள்ளது என கலெக்டர் சம்பத் தெரிவித்துள்ளார்.

இது குறித்து கலெக்டர் அலுவலகம் வெளியிட்டுள்ள செய்தி குறிப்பு:

தமிழகத்திலுள்ள வேலை வாய்ப்பு அலுவலகங்களில் கடந்த 2011ம் ஆண்டு ஜன., 1 ந் தேதி முதல் 2015 டிச., 31 வரை, வேலை வாய்ப்பு அலுவலகப் பதிவை புதுப்பிக்க தவறியவர்களுக்கு, சிறப்பு புதுப்பித்தல் சலுகை வழங்கப்பட்டுள்ளது.

அதன்படி, இன்று (24ந் தேதி) முதல் வரும் நவ., 21ந் தேதி வரை, மூன்று மாதங்களுக்கு மட்டுமே இச்சலுகை வழங்கப்பட்டுள்ளது.எனவே, வேலை வாய்ப்பு அலுவலகப் பதிவை புதுப்பிக்க தவறியவர்கள் 

https://tnvelaivaaippu.gov.in 

என்ற இணைய தளத்தில், ஆன்லைன் மூலம் புதுப்பித்துக் கொள்ளலாம்.

அல்லது மாவட்ட வேலை வாய்ப்பு அலுவலகத்தை நேரில் அணுகி புதுப்பித்துக்கொள்ளலாம், என செய்தி குறிப்பில் கூறப்பட்டுள்ளது.